साउन २२,२०७७ गुल्मी : रेसुंगा नगरपालिका ७ का शैलेस पन्थीले जन्मदिनको अवसरमा बिपन्न बिद्यार्थीलाई पोशाक र शैक्षिक सामग्री प्रदान गरेका छन् ।
उनले नवज्योति प्राथमिक बिद्यालय नेटाको कक्षा चारमा अध्ययनरत सन्दीप पन्थीलाई पोशाक, जुता, कापी कलम लगायतका सामग्री प्रदान गरेका थिए । सन्दीपकी आमाको माटोको ढिस्कोले पुरेर मृत्यु भएको थियो ।
सानो उमेरमै बाबु र आमा गुमाएका सन्दीपको अवस्था अत्यन्तै दयानीय भएकाले जन्मदिनको अवसरमा सहयोग गरिएको शैलेसले बताए ।उनले महेन्द्र माविबाट एसइइ दिदै थिए ।
कोरोना संक्रमणले लकडाउन भएकाले एसइई पछि घुम्ने र जन्मदिनमा गरिने खर्चलाई सामाजिक काममा खर्च गरेको पन्थीले बताए । सानो उमेरमै छोराले देखाएको सहयोगी भावनाबाट आफुहरुलाई पनि अत्यन्तै ठुलो सन्तुष्टि मिलेको आमा अन्जु पन्थीले बताइन् ।
