प्यार अलि खाँन,प्यूठान भाद्र २९ ।
गौमुखी गाँउपालिकाका अध्यक्ष विष्णुकुमार गिरी बिरुद्धको बहुविवाह मुद्धामा प्रमाण नजुट्टदा गिरी आईतबार हिरासतबाट मुक्त भएका छन् ।
जिल्ला सरकारी वकिल कार्यालय प्यूठानले मुद्धाका लागि प्रयाप्त प्रमाण नपुगेको भन्दै जिल्ला अदालतमा उजुरी दर्ता नगर्ने निर्णय गरेको निमित्त जिल्ला न्याधिवक्ता शिवप्रसाद आचार्यले बताए । “मुद्धा यहाँ चलाएका छ्रैनौँ ।” आचार्यले भने, “मुद्धाको अन्तिम किनारा लागेको होईन । उच्च सरकारी वकिल कार्यालयमा मुद्धा पठाउँछौँ ।”सरकारी वलिक कार्यालयको निर्णय सदर नहुँदासम्म प्रहरीको संम्पर्कमै रहने गरि गाँउपालिका अध्यक्ष गिरी संगै आरोपीत महिलालाई हिरासतमुक्त गरिएको प्यूठान प्रहरी प्रमुख नरेन्द्र कार्कीले साझा नेटवर्कलाई जानकारी दिए ।
गत भाद्र १० गते श्रीमती सीता केसीले बहुविवाह गरेको भन्दै पति गिरी बिरुद्ध हुलाक मार्फत जिल्ला प्रहरी कार्यालयमा उजुरी दर्ता गराएकी थिईन् । फेसबुक च्याट र कुराकानीका आधारमा केसीले उजुरी दिएकी हुन् । बहुविवाह नगरेको दाबी सहित गाँउपालिका अध्यक्ष गिरी प्रहरीको अनुसन्धानलाई सघाउने भन्दै भाद्र १५ मा प्रहरी समक्ष उपस्थित भएका थिए । अनुसन्धानकै शिलशिलामा प्यूठान प्रहरीले म्याद थप गरि अध्यक्ष गिरी सहित आरोपीत महिलालाई हिरासतमा राखी अनुसन्धान गर्दै आएको थियो ।
अध्यक्ष गिरी नेपाली कांग्रेसका जिल्ला सचिव समेत हुन् । गिरी २०७४ सालको स्थानीय तहको निर्वाचान्मा गाँउपालिकाका अध्यक्ष पदमा निर्वाचित् भएका थिए । बहुविवाहको मुद्धा झुठो बताउँदै अध्यक्ष गिरीले व्यक्तिगत जिवनमा असफल भएपनि सामाजिक जिवनमा भने सदैव निष्ठा र इमान्दारीताका साथ लाग्ने प्रतिक्रिया दिएका छन् । साथै गिरीले १० वर्षे लामो घरायसी समस्याबारे मसिनो गरि लेखाजोखा गरिदिन समेत आग्रह गरेका छन् ।
