असार २५,२०७७ गुल्मी : गुल्मीमा लु १ च ६७५३ नंम्बरको जीप दुर्घटना हुँदा १० जना घाइते भएका छन् भने एकको अबस्था गम्भीर रहेको छ ।
जिल्लाको कालीगण्डकी गाउँपालिका वडा नं ४ पुर्तिघाटदेखि वडा नं ६ खडगकोट जाँदै गरेको जीप बुधबार राती ९ बजे खमारीपाटामा दुर्घटना भएको पुर्तिघाट प्रहरीचौकीका प्रहरी सहायक निरीक्षक खिमानन्द खनालले जानकारी दिए ।
दुर्घटनामा जीपमा सवार १० जना मध्ये बर्ष ३० का हुमबहादुर बिकको शरीररका बिभिन्न भागमा चोट लागेको र उनको अबस्था गम्भीर रहेको खनालले जानकारी दिए । घाइते सबैको पाल्पाको मिशन अस्पतालमा उपचार भइरहेको प्रहरीले जनाएको छ । घाइतेहरुलाई रातीनै एम्बुलेन्स मार्फत पाल्पा लगिएको हो ।
दुर्घटनाको कारण बाटो चिप्लो भएर हुन सक्ने र घटनाको बारेमा थप अनुसन्धान भइरहेको खनालले जानकारी दिए ।
