तिलाचन पाण्डे
जेठ १७,२०७७ गुल्मी ः गुल्मीमा क्वारेन्टाइनमा बसेका एक जना पुरुषले आत्म हत्या गरेका छन् ।
जिल्लाको छत्रकोट गाउँपालिका वडा नं ४ को आर्दश माध्यमिक बिधालयको क्वारेन्टाइनमा बसेका ५६ बर्षका चन्द्रबहादुर परियारले शनिवार साँझ आत्म हत्या गरेको जिल्ला प्रहरी कार्यलय गुल्मीका प्रहरी उपरीक्षक राजेन्द्र सिंह खडकाले जानकारी दिए ।
साँझ खाना खाने समयमा शौचगर्न भनि निस्केका परियार नजिकै रहेको रुखमा गम्छाले पासो लगाइ झुन्डिएर आत्म हत्या गरेको प्रहरीले जनाइएको छ ।
शबलाई पोष्टमार्टम गर्नका लागि गुल्मी अस्पताल ल्याइदै गरेको जिल्ला प्रहरी कार्यलय गुल्मीले जनाएको छ । उनी सोही वडा नं ४ को भएको र शनिवार आजै बिहान भारतबाट आएका हुन् ,
। उनको मानसिक सन्तुलन ठिक नभएको र घटनाको बारेमा थप अनुसन्धान भइरहेको जिल्ला प्रहरी कार्यलय गुल्मीले जनाएको छ ।
