बैशाख २५,२०७७ गुल्मी : जिल्ला प्रशासन कार्यालय गुल्मीले सम्पूर्ण गुल्मीबासीहरुलाई बिहीबार साँझ ७ बजे आ–आफू रहेको स्थानमा दीप प्रज्वलन गर्न आग्रह गरेको छ ।
विश्व शान्तिका प्रतिक सिद्धार्थ गौतम बुद्धको जन्म बुद्धत्व प्राप्ति र महापरिनिर्वाण भएको पावन दिनको अवसरमा विश्वशान्तिको कामना गर्दै दीप प्रज्वलन गर्न आग्रह गरिएको जिल्ला प्रशासन कार्यालय गुल्मीका सूचना अधिकारी लक्ष्मण पाण्डेले जानकारी दिए ।
सिद्धार्थ गौतम बुद्धको स्मरण गर्न कोरोना महामारी विरुद्धको लडाईमा अग्रभागमा खटिरहेका चिकित्सक नर्स स्वास्थ्यकर्मी सुरक्षाकर्मी एम्बुलेन्स चालक लगायतका राष्ट्रसेवक र स्वयंसेवकहरु प्रति उच्च सम्मानसहित हौसला प्रदान गर्न विश्वमा कोरोना संक्रमणबाट मृत्यु भएकाहरुको चिरशान्तिको कामना गर्न कोरोना संक्रमण भएका बिरामीहरुको शीघ्र स्वास्थ्यलाभ गर्न र सम्भावित संक्रमणबाट सुरक्षित रहने प्रतिवद्धता व्यक्त गर्नको लागि दीप प्रज्वलन गर्न आग्रह गरिएको प्रशासन कार्यालय गुल्मीले जनाएको छ ।
