बैशाख ९, २०७७ बर्दिया : कोरोना भाइरस शंकामा पछिल्लोपटक स्वाब परीक्षणका लागि पठाइएका ६ जनाको रिपोर्ट नेगेटिभ आएको छ । गुलरियाका दुई, ठाकुरबाबा, राजापुर, बाँसगढी र बढैयातालका एक एकजना गरी ६ जनाको स्वाब परीक्षणका लागि बुटवल पठाइएको थियो।
उनीहरुको रिपोर्ट नेगेटिभ आएको स्वास्थ्य कार्यालय बर्दियाका जनस्वास्थ्य निरीक्षक कृष्णगोपाल चौधरीले जानकारी दिए। यससँगै बर्दियामा अहिलेसम्म कोरोनाको शंकामा स्वाब परीक्षण गरिएका २३ जनाको रिपोर्ट नेगेटिभ आएको हो। रिपोर्ट नेगेटिभ आएकाहरूमध्ये अधिकांश स्थानीय क्वारेन्टाइनमा र केही होम क्वारेन्टाइनमा रहेका छन्।
