बिहेको भोज खर्च कटाएर निःशुल्क स्वास्थ्य शिविर

0
56

तिलाचन पाण्डे
पुस १४,२०८० गुल्मीः संचारकर्मी मोहन बस्नेतले बिहेको भोज खर्च कटाएर निःशुल्क स्वास्थ्य शिविरको आयोजना गर्नुभएको छ ।

बिहेको भोजमा फजुल खर्च गर्नुभन्दा मानव सेवामा खर्च गर्नु उचित हुने भएकाले निःशुल्क स्वास्थ्य शिविरको आयोजना गरेको उहाँले बताउनुभयो । आफनो जन्मभूमी रेसुङ्गा नगरपालिका वडा नम्वर तीनमा रहेको भाडगाँउ माध्यमिक बिद्यालयमा पुस १४ गते निःशुल्क स्वास्थ्य शिविर आयोजना गरिएको बस्नेतले बताउनुभयो ।

 

शिविरमा महिला तथा स्त्री रोग विशेषज्ञ डाक्टर नविन तिरुवा, छाती तथा मुटु रोग विशेषज्ञ डाक्टर सम्भु खनाल, हाडजोर्नी तथा नशा रोग विशेषज्ञ डाक्टर रमेश अर्याल र नशा तथा मनोरोग विशेषज्ञ डाक्टर असिम रेग्मीद्धारा स्वास्थ्य परीक्षण हुने भएको छ । शिविरमा निःशुल्क औषधिको समेत ब्यबस्था गरिएको बस्नेतले जानकारी दिनुभयो । यसका साथै आवश्यकता अनुसार निःशुल्क इसिजी, रगत, परीक्षण र भिडियो एक्सरेको समेत प्रवन्ध मिलाइएको छ ।

 

शिविरबाट सबैले भरपुर सेवा लिन बस्नेतले आग्रह गर्नुभएको छ । शिविरको प्राविधिक सहयोग शुभलक्ष्मी फर्मा तम्घास र हाम्रो पोलिक्लिनिक रुपन्देही रहेको छ।

यस अगाडि पनि संचारकर्मी बस्नेतले विपन्न र दिनदुखीहरुलाई सहयोग गर्दै आउनुभएको छ ।

 

SHARE