बैशाख १०,२०८० पाल्पा : पाल्पामा आइतबार बिहान बस दुर्घटना भएको छ।
बुटवलबाट पाल्पातर्फ आउँदै गरेको लु१ख ५९५६ नम्बरको बस केहीबेर अगाडि सिद्धार्थ राजमार्गअन्तर्गत जोरधारा नजिकै दुर्घटना भएको जिल्ला प्रहरी कार्यालय पाल्पाका सूचना अधिकारी प्रहरी नायव उपरीक्षक वीरेन्द्र थापाले बताए।
उनकाअनुसार एक जनाको मृत्यु भएको छ। १८ भन्दा बढी घाइतेको उद्वार गरेर अस्पताल पठाइसकिएको छ। घाइते सबैको अवस्था गम्भीर छ।
अन्यको उद्वार कार्य चलिरहेको थापाले बताए ।
