चैत ११,२०७९ गुल्मीः प्रधानमन्त्री कृषि आधुनिकीकरण परियोजना कार्यन्वयन इकाई गुल्मीले आगामी आर्थिक वर्ष २०८०।०८१ का लागि प्राथमिकतामा रहेका कार्यक्रमहरुलाई सार्वजनिक गरेको छ ।
कार्यालयले शुक्रबार जिल्ला समन्वय समिति गुल्मीमा भएको समिक्षा कार्यक्रममा उक्त कार्यक्रमहरु सार्वजनिक गरेको हो ।
कार्यालयका प्रमुख गंगन पोखरेलका अनुसार चक्लाबन्दी,मकै,कफी,सुन्तलाज फलफूलको क्षेत्र बिस्तार,स्रोत बिउ उत्पादनमा सहयोग,साना सिंचाई निर्माण तथाा मर्मत सुधार,प्रविधियुक्त बाख्रा खोर निर्माणमा सहयोग,नर्सरी तथा स्किन घर निर्माण,कृषि यान्त्रीकरण सहयोग, फलफूलका लागि प्याकेजिङ संगै ग्रडिङ,प्रविधि प्रदर्शन तथा बिस्तार र प्राविधिक सहयोग जस्ता कार्यहरुमहरु रहेका छन् ।
कार्यक्रममा जिल्लाका १२ वटै स्थानीयका प्रमुख तथा उपप्रमुख, निमित्त जिल्ला समन्वय अधिकारी,प्रमुख जिल्ला अधिकारी, जिल्ला समन्वय समिति गुल्मीका उपप्रमुख ,प्रमखु लगायतको उपस्थिति रहेको थियो ।
