दिवाकर पोख्रेल
देउखुरी, पुस १८ गते : लुम्बिनी प्रदेश सभाको पहिलो अधिवेसन बसेको छ । दिउँसो १ बजे राप्ती उपत्यका देउखुरीमा पहिलो अधिवेसन बसेको हो । सोमवार दुई वटा बैठक बस्ने छ । पहिलो बैठकमा प्रदेश सभाको अधिवेसन आह्वान सम्वन्धि पत्र जेष्ठ सदस्य डिल्लीराज भुसालले पढेर सुनाउनु भएको छ ।
प्रदेश प्रमुख अमिक शेचरनले प्रदेश सभा बैठकलाई सम्वोधन गर्नुभएको छ । उहाँले पदेश सरकारले पाँच बर्षको अवधिमा गरेका कामहरुको बारेमा नयाँ संसदलाई जानकारी दिनुभएको थियो । पहिलो बैठकपछि आधा घण्ठा संसद बैठक स्थगित भएको थियो । दोस्रो बैठक साढे २ बजे बाट शुरु भएको थियो ।
दोस्रो बैठकमा जेष्ठ सदस्य भुसालले ‘लुम्बिनी प्रदेश सभा नियमावली, २०७९’पारित गरियोस् भनी प्रस्ताव गर्ने गर्नुहुनेछ । यस्तै दलको तर्फबाट प्रदेश सभा सदस्यहरुले शुभकामना मन्तव्य राख्ने कार्यसूचि रहेको छ । दलकाको तर्फबाट जेष्ठ सदस्यका हिसावले प्रत्येक दलबाट प्रदेशसभा सदस्यले शुभकामना दिनुभएको थियो ।
प्रदेश सरकार मन्त्रीपरिषद्को सिफारिसका आधारमा प्रदेश प्रमुखले नेपालको संविधानको धारा १८३ को उपधारा(१) बमोजिम प्रदेश सभाको अधिवेसन आह्वान गर्नुभएको थियो । यो अधिवेसनपछी सभामुख र उपसभामुख चयनको लागी बाटो खुल्ने छ । पहिलो बैठक बसेको मितिले १५ दिन भित्र सभामुख र उपसभामुख चयन गर्नुपर्ने कानुनी व्यवस्था छ । संविधानको धारा १८२ ले व्यवस्था गरेको अवधिभित्र सभामुखको निर्वाचन हुने उल्लेख छ ।
पहिलो अधिबेसनमा प्रदेश प्रमुख अमिक शेरचनले नव निर्वार्चित प्रदेशसभा सदस्यहरुलाई संघीयताको कार्यान्वयनको सवालमा सकरात्मक भूमिका खेल्न आग्रह गर्नुभयो । उहाँले भन्नुभयो, ‘प्रदेशसभाको पहिलो कार्यकालमा प्रदेशको नाम र ठाउँको सवालमा महत्वपूर्ण निर्णय गरेको छ, दोस्रो कार्यकालमा आपसी सहमति,सह अस्तीत्व र सहकार्यको आधारमा राजधानीको पूर्ण व्यवस्थापन गर्दै संघीयतालाई संस्थागत गर्नेगरी कार्यान्वयन गर्न आवश्यक छ ।’
यस्तै प्रदेश प्रमुख शेरचनले लुम्बिनी संघीय निजामती ऐन नवन्दा प्रदेश निजामती ऐन वनाउन लिाई हुँदा त्यसको असर जनशक्ती व्यवस्थापनमा देखिएको बताउनुभयो । अबको प्रदेशभाबाट स्थानीइ सेवा कानुनमा सफलता हासिल गर्ने विश्वास समेत व्यक्त गर्नुभयो ।
यसैविच नेपाली काङग्रेस लुम्बिनी प्रदेशको संसदिय दलको नेतामा डिल्लीबहादुर चौधरी चयन हुनु भएको छ । नेपाली सोमबार बसेको बैठकले दाङबाट निर्वार्चित प्रदेशसभा सदस्य डिल्ली चौधरीलाई संसदीय दलको नेता चयन गरेको हो ।
नेपाली काँँग्रेस प्रदेश सभा संसदीय दलको विधान २०७९ को परिच्छेद २ को धारा ५ बमोजिम दलको नेतामा डिल्लीबहादुर बहादुर चौधरीको एकल उम्मेदवारी परेकोले चौधरीलाई सर्वसम्मत दलको नेता चयन गरिएकोे हो ।
यस्तै नेकपा माओवादी केन्दको लुम्बिनी प्रदेशको संसदीय दलको नेतामा ने.क.पा.माओवादी केन्द्रको स्थायी समिति सदस्य एवं लुम्बिनी प्रदेश सहइन्चार्ज जोखबहादुर महरा चयन हुनु भएको छ ।
लुम्बिनी प्रदेशको राजधानी दाङको देउखुरीमा सोमबार बसेको माओवादी केन्द प्रदेशसभा सदस्यहरुको बैठकले दलको नेतामा महरालाई चयन गरेको हो । महरा रोल्पा १ (१)बाट निर्वाचित हुन् भएको हो । महरा यसअघि संविधान सभा सदस्य र विभिन्न समयमा प्रधानमन्त्री पुप्पकमल दाहल (प्रचण्ड) को प्रमुख स्वकीय सचीव हुनु भएको थियो । दलको नेता चयन गर्न लुम्बिनी प्रदेशका मुख्यमन्त्री कुल प्रसाद के.सि,माओवादी केन्द्रको लुम्बिनी प्रदेश अध्यक्ष सुदर्शन बराल समेतको ससहभागिता रहेको थियो ।
नयाँ समीकरणअनुसार गठबन्धनमा लुम्बिनी प्रदेशको मुख्यमन्त्री कसले लिने भन्ने अझै सहमति जुटेको छैन । मुख्यमन्त्रीमा माओवादी र एमाले दुवैले दाबी गर्दै आएका छन् । लुम्बिनीमा एमालेका २९ र माओवादी केन्द्रका ९ सदस्य छन् । लुम्बिनी प्रदेशको मुख्यमन्त्री माओवादीले पाएमा महरालाई मुख्यमन्त्री हुने बाटो खुलेको छ । नेकपा एमालले भने लिला गिरीलाई संसदीय दलको नेता छानि सकेको छ ।
