देउखुरी, मङ्सिर १८ गते : दाङको राप्ती नदीको बिभिन्न ठाउँमा थुपारेर राखिएको ढुंगा गढवा गाउँपालिकाले नियन्त्रणमा लिएको छ ।
अवैध रुपमा उत्खनन् गरी विक्रि वितरणको लागी थुपारिएको अवस्थामा ढुंगा जफत गरिएको गाउँपालिकाका अध्यक्ष यमनारायण पोख्रेलले जानकारी दिनुभयो । ४७ ट्राली ढुंगा जफत गरिएको छ । मनपरी नदिजन्य पदार्थ ओसारपसारको गरिरहेको अवस्थामा ६ वटा ट्याक्टर नियन्त्रणमा लिइएको छ ।
गढवा गाउँपालिका र इलाका प्रहरी कार्यालय गढवाको टोलीले संयुक्त टोलीले ट्याक्टर नियन्त्रणमा लिएको हो । अवैध उत्खनन्मा संलग्नहरुको पहिचानगरी कानुन बमोजिम कारबाही प्रक्रिया अघि बढाएको गाउँपालिकाले जनाएको छ ।
नदी क्षेत्रमा थुपारिएको ढुंगा जफत गर्ने काम भएको हो । गढवा गाउँपालिका अध्यक्ष यमनारायण पोख्रेलले अनुगमन गर्दा अबैध ढुङ्गा फेला पारेर नियन्त्रणमा लिएको जानकारी दिनुभयो ।
पालिकाले नियन्त्रणमा लिएको ढुंगालाई विपद् व्यवस्थापनको काम र बाँकी ढुंगालाई लिलामी गरेर विक्रि गर्ने जनाएको छ । यसभन्दा पहिलेपनि पालिकाले अबैध रुपमा उत्खनन् गरेर संकलन गरिएको ढुङ्गा नियन्त्रणमा लिएको छ ।
