पुस २३,२०७६ गुल्मी : गुल्मीको एक खाजा घरमा आगलागी हँुदा २ जना घाइते भएका छन् ।
जिल्लाको इश्मा गाउँपालिका वडा नं ६ राङदलमा रहेको दीपा खाजाघरमा मंगलबार राती आगलागी हुँदा ४४ बर्षिय कृष्ण कँवर र २८ बर्षका भोज बहादुर कुमाल घाइते भएको जिल्ला प्रहरी कार्यलय गुल्मीका प्रहरी नायब उपरीक्षक मिन बहादुर घलेले जानकारी दिए । घाइतेहरुको तम्घास अस्पतालमा सामान्य उपचार गरी पाल्पा रिफर गरिएको जिल्ला प्रहरी कार्यलय गुल्मीका प्रहरी नायब उपरीक्षक मिनबहादुर घलेले जानकारी दिए । आगलागीको कारण अहिलेसम्म खुल्न नसकेको र क्षतीको बिबरण संकलन कार्य भएको जिल्ला प्रहरी कार्यलय गुल्मीले जनाएको छ । खाजा घरमा सुकुटी बनाउने गरेकाले सुकुटी सुकाउदाँ नजिकै रहेको खाना पकाउने सिलिन्डर पड्किदा आगलागी भएको हुन सक्ने प्रारम्भिक अनुसन्धानबाट खुलेको घलेले जानकारी दिए ।
