हुमाकान्त पोखरेल
असोज २२,२०७९ गुल्मीः कोजाग्रत पूर्णिमाको अवसरमा आइतबार धुर्कोट गाउँपालिकामा सार्वजनिक बिदा हुने भएको छ ।
गाउँपालिकाले शनिबार एक सूचना जारी गर्दै पूर्णिमाको दिन धुर्कोट कोटमा सरायँ नाँच हुने भएकोले पालिकाभरी सार्वजनिक बिदा दिइएको गाउँपालिका अध्यक्ष भूपाल पोखरेलले जानकारी दिए ।
गाउँपालिकाभरीका सबै सरकारी तथा सार्वजनिक कार्यालय, शैक्षिक संस्था लगायतका कार्यालय बन्द रहने गाउँपालिकाले जनाएको छ । धुर्कोट कोटमा परम्परादेखि नै दसैँको पूर्णिमाको दिन सरायँ नाँच हुने गर्दछ ।
सरायँ नाँचलाई थप व्यवस्थित बनाउन सार्वजनिक बिदा दिइएको गाउँपालिका अध्यक्ष पोखरेलले बताए । गाउँपालिकामा सोमबारदेखि भने नियमितरुपमा कार्यालय संचालन र विद्यालयमा पठन–पाठन सुरु हुनेछ ।
