असोज २,२०७९ गुल्मी : गुल्मीमा बजाज ब्राण्डको नयाँ मोडल एनएस १२५ मोटरसाइकलको लन्च गरिएको छ । बजाज मोटरसाइकलको गुल्मीका लागि आधिकारिक विक्रेता कम्पनी जय सगरमाथा अटो मोबाइल्स प्रा.लि.तम्घास गुल्मीमा बजाज ब्राण्डको नयाँ मोडल पल्सर एनएस १२५ लन्च गरिएको हो ।
एनएस १२५ को मूल्य २ लाख ७९ हजार ९०० रुपैयाँ रहेको जय सगरमाथा अटो मोबाइल्स प्रा.लि.तम्घास गुल्मीका सेल्समेन कमल खत्रीले जानकारी दिनुभयो । गत वर्ष भारतीय बजारमा सार्वजनिक भएको बजाज एनएस १२५ पल्सर सिरिजको सवैभन्दा सानो मोटरसाइकल रहेको छ ।
बजाज पल्सर एनएस १२५ मा १२४.४५ सीसीको सिंगल सिलिण्डर एयरकुल्ड, २ भल्भ इलेक्ट्रोनिक्स एफआई इन्जिन दिइएको छ जुन इन्जिनले अधिकतम १२ पीएस पावर र ११ एनएम टर्क प्रदान गर्ने खत्रीले जानकारी दिनुभयो ।
यसमा ५ स्पीडको गियरबक्स रहेको छ । एनएस १२५ को २४० एमएमको डिस्क र पछाडि १३० एमएमको ड्रम ब्रेक रहेको छ भने यसमा कम्बी ब्रेकिङ सिस्टम पाउन सकिन्छ । यसैगरी यसको अगाडि टेलिस्कोपिक फर्क र पछाडि निट्रो मोनोशक रहेको एनएस १२५ मा १७ इन्चको अलोय ह्वील रहेको छ ।
सो बाइकमा १२ लिटरको इन्धन ट्यांकी दिइएको छ भने यसको वजन १४४ केजी रहेको खत्रीले जानकारी दिनुभएको छ । सो बाइकले ६५ किलोमिटर प्रतिलिटरको माइलेज दिन सक्ने उहाँको भनाइ छ । सो बाइकको टप स्पिड १०३.२९ किलोमिटर प्रतिघन्टा रहेको खत्रीले बताउनुभयो । एनएस १२५ विभिन्न आकर्षक ४ कलरमा बजारमा उपलब्ध रहेको छ ।
