दिवाकर पोख्रेल
असोज १,२०७९ दाङ : दाङको अर्जूृन खोलामा ड्याम बाँधेर सरोवरको रुपमा विकास गर्ने योजना जति चर्चा भएपनि कामको शूरुवात हुन सकेको छैन । लमही नगरपालिका र यस क्षेत्रका अगुवा नागरिकहरु पहलमा उक्त क्षेत्रमा अर्जून क्षेत्रको रुपमा विकास गर्नेगरी परारम्भिक स्थलगत अध्ययन पनि भएको छ । यसका साथै सिंचाई मन्त्रालय, बैकल्पिक उर्जा प्रवद्र्धन केन्द्रबाट स्थलगत अध्यन भएपनि यसको शूरुवात हुन सकेको छैन । लगानी गर्ने लगानी कर्ताको खोजीमा रहेको अर्जूनसरोवरको योजना सफल भएपछि यस क्षेत्रका जनताको दैनिकी नै परविर्तन हुने आस गरिएको छ ।
अर्जून सरोवरलाई बहुउद्देश्यिक योजना अन्तरगर्त काम गर्न सकिने यसबाट लमही नगरपालिका वडा नम्बर चारवटा वडा लाभावन्तित हुने काम कामको शूरुवात गरिएको लमही नगरपालिका नागरिक अगुवा बसन्तराज शर्माले जानकारी दिनुभयो । उहाँकै पहलमा अर्जून खोलामा ड्याम बाँधेर पानी साविकको सतबरिया क्षेत्रमा सिंचाई गर्न उद्देश्य राखिएको छ ।
अर्जून सरोबरबाट एक मेगाहर्ज सम्मको विद्युत् निकाल्ने सकिने प्रारारम्भिक सम्भाव्यता अध्ययनबाट पाइएको छ । बैकल्पिक उर्जा प्रवद्र्धन केन्द्र संचालक समितिका सदस्य इन्जिनियर डिल्लिराम भट्टले अर्जूृन खोलाको पानी थुन्दा पानीको सतह माथि सम्म पुग्ने भएकोले उक्त स्थानमा विद्युत निकाल्न सकिने बताउनुभयो । अहिले हिउँदको समयमा पानीको मात्रा कम भएपनि बाँध बाँधेर पानी थुन्दा त्यस क्षेत्रमा पानीको मुहान संरक्षणको काम पनि हुने भएकाले केहि समयमै पानीको मात्रा बढ्ने विश्वास छ ।
नागरिक अगुवा बसन्तराज शर्माले उक्त क्षेत्रमा सरोबारको रुपमा विकास गरेर पर्यटकिय,सिंचाई र मन्दिर निर्माण गरी धार्मिक क्षेत्रको रुपमा विकास गर्न सकिने सम्भावना रहेको बताउनुभयो । उहाँले भन्नुभयो,“ यस क्षेत्रको आर्थिक,पर्यटकि,सिंचाई र धार्मिक क्षेत्रको विकास गर्न अर्जुन सरोवर महत्वपूर्ण छ, यसको लागि स्थानीय, प्रदेश र संघीय सरकारसंग समन्वयमा काम हुन्छ ।”
स्थानीय सरकारले पनि अर्जून सरोवरमा चाँसो देखाएको छ । लमही नगरपालिकाले अर्जून सरोवर निर्माणको सम्भाव्यता अध्ययन गरेर गूरुयोजनाको काम समेत गरेको छ । लमही नगरपालिकाले सतवरिया क्षेत्रमा सिंचाई गर्ने उद्देश्य राखेर ड्याम निर्माण गर्ने डिपीआर निर्माण गरेको लमही नगरपालिका इन्जिनियर सौगात वलीले जानकारी दिनुभयो । यस्तै लमही क्षेत्रमा बोरिङबाट निकालिएको पानीमा चुनाको मात्रा रहेकाले लमहीवासीलाई मुहानको पानी वितरण योजना समेत अर्जुन सरोवरबाट गर्ने उद्देश्य राखिएको छ । 
अर्जूनखोलामा ड्याम बाँध्दा त्यस आसपासका २६ घरपरिवार प्रभावित हुने भएकाले त्यहाँको बस्ती अग्लो स्थानमा स्थान्तरण गरी अर्जूृृन सरोबारबाटै लाभ लिनेगरी अर्जूृन होमस्टे संचालन गर्ने सहयोग गर्ने उद्देश्य समेत राखिएको छ । यि सबै काम गर्नको लागि आवश्यक बजेटको लागि तीनतहकै सरकारलाई आग्रह गरेर बहुवर्षिय योजनामा राखेर काम गर्ने पहल भइरहेको छ ।
