भदौ ३,२०७९ काठमाडौं : देशभर शुक्रबार ६ सय २३ जना कोरोना संक्रमित भेटिएका छन्। स्वास्थ्य तथा जनसंख्या मन्त्रालयको विवरणअनुसार ४ हजार ९४५ जनामा गरिएको परीक्षणमा ६ सय २३ जना संक्रमित भेटिएका हुन्।
आज कोरोनाबाट कसैको पनि मृत्यु भएको छैन भने ४ सय ८७ जना संक्रमणमुक्त भएका छन्।
मन्त्रालयको विवरणअनुसार हाल देशभर ५ हजार २४ जना सक्रिय संक्रमित रहेका छन्। सक्रिय संक्रमितमध्ये ६ जना भेन्टिलेटरमा उपचार गराइरहेका छन् भने ४९ जना आइसियू र १९० जना संस्थागत आइसोलेशनमा रहेका छन्। हाल ४ हजार ८३४ जना संक्रमित होम आइसोलेशनमा रहेका छन्।
यस्तै गुल्मीमा भने ७० जनामा गरिएको एन्टिजेन परीक्षण्मा ३६ जनामा संक्रमण पुष्टि भएको स्वास्थ्य कार्यालय गुल्मीले जनाएको छ ।
यो संगै जिल्लामा कुल सक्रिय संक्रमितका संख्या १४२ जना रहेका छन् । जिल्लामा संक्रमणका कारण २८८ जनाको ज्यान गएको छ भने जिल्लामै रहेको कारोना परीक्षण प्रयोगशाल झण्डै एक बर्ष देखी बन्द छ ।
