साउन २०,२०७९ काठमाडौं : ऊर्जा, जलस्रोत तथा सिँचाइमन्त्री पम्फा भुसालले देशको आर्थिक समृद्धिका लागि कृषिलाई उद्योगमा विकास गर्नुपर्ने बताएकी छन्।
काठमाडौंमा शुक्रबार गुरु ट्राभल्स लिमिटेडको समुद्घाटन तथा शुभारम्भलाई सम्बोधन गर्दै मन्त्री भुसालले देशको समृद्धिका लागि कृषिलाई प्राथमिकता दिनुपर्ने बताएकी हुन्।
उनले कृषिमा आत्मनिर्भर हुनुपर्ने र कृषिलाई उद्योगमा विकास गर्नुपर्नेमा जोड दिइन्।
उनले निजी क्षेत्रले पनि कृषिलाई उद्योगमा विकास गर्न व्यावसायीकरण र यान्त्रिकीकरण गर्नेतर्फ सोच्नुपर्ने उल्लेख गरिन्।
मन्त्री भुसालले कृषिमा आत्मनिर्भर हुनुपर्ने र त्यसका लागि जमिन बाँझो नछोडी खेती गर्नुपर्ने बताइन्।
