असार ३२,२०७९काठमाडौंः भक्तपुरमा ८४ वर्षका वृद्धको जलेर मृत्यु भएको छ।
शनिबार बिहान चाँगुनारायण नगरपालिका २ दुवाकोट फोकसिङटारका जगतप्रसाद शिल्पकारको आफ्नै घरमा जलेर मृत्यु भएको भक्तपुरका डिएसपी राजु पाण्डेले जानकारी दिए।
उनका अनुसार तीन तले पक्की घरको भुइँतलामा कम्मरदेखि माथिको भाग जलिसकेको अवस्थामा वृद्धको शव भेटिएको हो।
शिल्पकार हिँड्डुल गर्न नसक्ने भएकाले भुइँतलामा एक्ले बस्थे। उनका छोरा बुहारी माथिल्लो तलामा बस्ने गरेका प्रहरीले जनाएको छ।
