असार २१,२०७९दाङ : दाङमा करेन्ट लागेर एकजनाको मृत्यु भएको छ। मृत्यु हुनेमा बबई गाउँपालिका(६ खिलतपुरका ४५ वर्षीय लालबहादुर नेपाली रहेको इलाका प्रहरी कार्यालय तुलसीपुरले जनाएको छ।
तुलसीपुर उपमहानगरपालिका(६ मदनआश्रित चोकस्थित बलराम डाँगीको निर्माण हुँदै गरेको घरको लागि रड काट्ने क्रममा सोमबार बिहान करिब साढे ९ बजे उनलाई करेन्ट लागेको थियो।
करेन्ट लागेर घाइते भएका उनको राप्ती प्रादेशिक अस्पतालमा उपचारको क्रममा करिब पौने १० बजे मृत्यु भएका इप्रका तुलसीपुरका प्रमुख डिएसपी श्यामु अर्यालले जानकारी दिए।
