पुस १, २०७६ अर्घाखाँची , अर्घाखाँचीमा यात्रुबाहक बस दुर्घटनामा परी १९ जनाको ज्यान गएपछि बनेको छानविन समितिले आफ्नो प्रतिवेदन सार्वजनिक गरेको छ। नेपालमा सडक दुर्घटनापछि कमै मात्र छानविन समिति बन्ने र समिति बने पनि त्यसले समयमै प्रतिवेदन बुझाउने गरेका थिएनन्। २० दिन अघि मंसिर ११ गते अर्घाखाँचीमा भएको बस दुर्घटनाको प्रमुख कारण नै तीव्र गति भएको छानविन समितिले निस्कर्ष निकालेको छ। अर्घाखाँचीको सदरमुकाम सन्धिखर्कबाट रुपन्देही जाँदै गरेको लु २ ख २१४८ नम्वरको यात्रुबाहक बस सन्धिखर्क नगरपालिका ६ नरपानी नजिकै सल्लेरीमा दुर्घटना हुँदा १९ जनाको ज्यान गएको थियो। दुर्घटनालगत्तै जिल्ला प्रशासन कार्यालय अर्घाखाँचीमा भएको सर्वपक्षीय बैठकबाट सहायक प्रमुख जिल्ला अधिकारी विष्णुराज बेल्वासेको संयोजकत्वमा नौ सदस्यीय छानविन टोली निर्माण भएको थियो। छानविन समितिलाई १५ दिन भित्रमा प्रतिवेदन पेश गर्ने गरी दिएको कार्यादेशअनुसार प्रमुख जिल्ला अधिकारी विजयराज पौडेललाई प्रतिवेदन बुझाइएको हो। सालझण्डी सडकका इन्जिनियर तथा छानविन समिति सदस्य सुधिरकुमार झाले दुर्घटना स्थलको अवलोकनपछि सिंगल लेनको सडक अनुसारको मापदण्डमा कुनै कमि नभएको सडकका कारण दुर्घटना नभएको भनी लिखित प्रतिवेदन दिए। प्रहरी हवल्दार रितन राकस मगरको मेकानिकल चेकजाँचको प्रतिवेदनले पनि प्राविधिक कारणले बस दुर्घटना नभएको देखाएको छ। उक्त दुर्घटनास्थलको भौगोलिक अवस्था सडकको छेउदेखि भिरालो ९भिरपाखो० रहेकाले बस दुर्घटना भई क्षत बिच्छेद अवस्थामा रहे पनि टायर पट्टाको भाग ठिक दुरुस्त रहनुले मेकानिकल हिसावले बस दुर्घटना नभएको प्रतिवेदनमा जनाइएको छ। उपचारमा रहेका अधिकांश घाइतेलाई लिखित रुपमा सोधिएको प्रश्नको उत्तरमा मोडमा बस तीव्र गति रहेकाले स्टेरिड मोड्न नसक्दा सिधैँ भिरबाट गाडी खसेको बताएका थिए। ‘मैले एक्कासि अगाडि हेर्दा गाडी चालक तर्फको साइडबाट बाहिर गई सकेको देखेँ। त्यसपछि गाडी भर्लाङ मार्दा म बाटोदेखि तल जंगलमा खसेको रहेछु। घाइते अर्घाखाँची सन्धिखर्क नगरपालिका ५ तल्लाटोला बस्ने ९हाल चौराहा अस्पताल बुटवलमा उपचारमा रहेका० ४२ वर्षीय विष्णुबहादुर अधिकारी भने। भैरहवा मेडिकल कलेजमा उपचारार्थ अर्घाखाँची पाणिनी गाउँपालिका ८ बस्ने ४४ वर्षीय विष्णु बिकले त्यो दिनलाई सम्झँदै तर्सिदै भने, ुघुम्तिमा आएपछि बस रोकियो। बसमा सवार यात्रु र बस चालकले चिया नास्ता खाएका थिए। त्यसपछि बसमा सबै बसे। चालकले गाडी चलाएर हिडे। नरपानी प्रहरी कार्यालय आउनु भन्दा २ किलोमिटर अगाडि ९पहिला नै० तीव्र गतिका कारण देव्रे साइडको नालीतिर बस गयो। पुनः दायाँ साइड काट्दा बस रोक्न नसेन। अनि बस सिधै भिरबाट खस्यो।ु जिल्ला ट्राफिक प्रहरी कार्यालय अर्घाखाँचीले तयार पारेको घटनास्थलको स्केच, घटनास्थल प्रकृति मुचुल्का, गाडीको मेकानिकल चेकजाँचको प्रतिवेदन, चालकले चिया नास्ता खाएको होटल साहुको भनाई, घुम्तिका सर्वसाधारण र पसलेसँगको कुराकानी, घटनामा तत्काल उद्धारमा खटिएका नरपानीका प्रहरी चौकी इन्चार्जको बयान, उद्धारकर्ताको भनाइ, घटना सम्बन्धमा जिल्ला प्रहरी कार्यालयमा गरेका कागजात, घतटनास्थलको प्रकृति मुचुल्का, रेखाचित्रण, फोटोग्राफी र घाइतेका बयान कागजले समेत तीव्र गतिका कारण बस दुर्घटना भएको देखाएको छ। सो रुटमा चल्ने अरू सवारी चालकले समेत सजिलो बाटोमा कसरी दुर्घटना भयो भनी दाबी समेत गरेको छानविन समितिका संयोजक बेल्वासेले बताए। प्रमुख जिल्ला अधिकारी विजयराज पौडेलले प्रतिवेदनलाई पुन सर्वपक्षीय बैठक बोलाइ जानकारी गराउने बताए। साथै सडक दुर्घटना न्यूनीकरणका लागि पहल गर्ने पनि बताए। उनले यो रूटमा चल्ने गाडीको गति कति हुनुपर्ने, कति समयमा गन्तव्यमा पुग्ने विषयमा छलफल गरी मापदण्डसहित समय अवधि तोक्ने बताए। चालकलाई निकै चनाखो, सचेत भई गाडी गुडाउन समेत प्रजिअ पौडेलले सुझाव दिएका छन्। थाहाबाट
