लैङ्गिक हिंसा बिरुद्धको अभियान वडा वडामा

0
293

तिलाचन पाण्डे
मंसिर २० , २०७६ गुल्मी ः समानताको पुस्ता , बलत्कार बिरुद्ध ऐक्यबद्धता भन्ने नाराका साथ कालीगण्डकी गाउँपालिका गुल्मीले वडा वडामा सचेतनाका कार्यक्रमहरु संचालन गरेको छ ।
लैगिंक हिंसा बिरुद्धको १६ दिने अभियान अन्र्तगत महिलाहरुलाई सचेत बनाउने गरि अभियान कै रुपमा कालीगण्डकी गाउँपालिकाका प्रत्येक वडा वडामा गई अभियान नै संचालन गरेको गाउँपालिकाकी उपाध्यक्ष तारा थापाले जानकारी दिईन । थापाका अनुसार महिलाहरु अब लैगिक आधारमा हिंसा खेप्नु पर्ने , र यसकै आधारमा बिभेद हुने दिनको अन्त्यका लागि सबै महिलाहरु एकजुट हुनुपर्ने र कानुनी आधारहरु पनि जान्नु पर्ने भएकाले सचेतना र कानुन संंबन्धी जानकारी गराइएको दाबी गरिन् । महिलाहरु अब चुलो , चौकोमा मात्र सीमित नभई आय आर्जन संगै अन्य क्षेत्रमा पनि कार्य गर्न सक्षम रहेको कालीगण्डकी गाउँपालिकाका महिलाहरुले बताउदै आएका छन् । अभियान अन्र्तगत हर्मिचौर र अर्बेनीमा सचेतना कार्यक्रम सम्पन्न भएको र आज जयखानीमा कार्यक्रम आयोजना गरिएको थापाले जानकारी दिइन्् । यस्तै अन्य वडाहरुमा पनि कार्यक्रम गर्दै जाने थापाको दाबी छ ।

SHARE