मंसिर १९, २०७६ काठमाडौं ः यातायातकर्मी राम बहादुर थापाले विचौलीयविरुद्ध यातायात व्यवस्था विभाग कार्यालयमा निवेदन हालेका छन्। यातायात विभागमा विचौलीयको बिगबिगी बढेको भन्दै त्यसलाई नियन्त्रण गरी कारबाही गर्न माग गर्दै उनले बिहीबार विभागमा निवेदन हालेका हुन्। यातायात कार्यालयमा विचौलीयले सेवाग्राहीलाई मनलागी पैसा असुल्ने गरेकाले छानबिन गरी कानुनी कारबाही गर्नुपर्ने माग राख्दै निवेदन दिएको थापाले बताए। ‘यातायात कार्यालयमा विचौलीय छ्यापछ्याप्ती छन्,’ उनले भने, ‘अध्ययन गरेर यो तथ्या फेला पारेको हुँ। विचौलीयलाई पैसा दिए आधा घण्टाको कम एकैछिनमा गरिदिन्छ।’ उनका अनुसार लाइसेन्सका लागि सेवाग्राही दुई घण्टासम्म लाइनमा बस्नुपर्छ। ३० देखि ३५ हजार विचौलीयलाई दिए लाइसेन्स बनाइदिन्छ। लाइनमा बस्नु पनि पर्देन। उनले भने, ‘यातायातका कर्मचारी र विचौलीयसगँ बुझ्दा पुलिस प्रशासन, सिडियो सबैलाई पैसा दिने गरेको पाइएको छ। कानुनी कारबाही गर्नुको सट्टा सरकारी निकायका पदाधिकारीले नै जनतालाई लुट्ने गर्छन।’ थाहाबाट
