पुस २,२०७८ गुल्मी:इस्मा गाउँपालिका १ हस्तिचौर उजुङ मैदान स्थित कौशिला कुवरको घरगोठमा आगलागी भएको छ ।
बिहिवार राती एक्कासी लागेको आगोले कुवरको घर, गोठ, बाख्रा र कुखुराको खोर जलेर नष्ट भएको इस्मा गाउँपालिका उपप्रमुख बिमला खत्रीले जानकारी दिइन ।
घर गोठमा रहेका सबै बाख्रा र कुखुरा आगोमा परेर मरेका छन। भने अन्न र लत्ताकपडा पनि जलेर नष्ट भएको खत्रीले बताइन् । घटनाको बिषयमा उपप्रमुख र हस्तिचौर प्रहरीचौकीको टोलि घटना स्थल पुगेको छ ।
