बागलुङको जैमिनी नगरपालिका, ८ छिस्तीमा मंगलबार साँझ जीप दुर्घटना भएको छ । ध १ ज ७९१ नम्बरको जीप दुर्घटना हुँदा ४ जनाकाे मृत्यु भएकाे छ भने ८ जना घाइते भएका वडाध्यक्ष विजय शर्माले जानकारी दिए । मृत्यु हुनेका प्रियांका पुन, तुल्सी पुन र एलिना पुन रहेका छन् ।
विद्यार्थी तथा अभिभावक बोकेर जनकल्याण माविको वार्षिकोत्सव मनाएर फर्किने क्रममा दुर्घटना भएको प्रहरीले जनाएको छ । जीपमा जीपमा करिब १५ जना यात्रु रहेका थिए ।
घाइतेको उपचारका लागि धौलागिरी अञ्चल अस्पताल बागलुङ लगिएको छ ।बागलुङका प्रमुख जिल्ला अधिकारी र मेडिकल टीमसहितको टोली उद्धार कार्यका लागि घटनास्थलतर्फ जाँदै छ । दुर्घटनाको यकिन विवरण आउन बाँकी रहेको प्रहरीले जनाएको छ ।
