कात्तिक ७,२०७८ गुल्मी :कालीगण्डकीमा शनिवार राती जिप दुर्घटना हुँदा एक जना घाइते भएका छन् ।
कालीगण्डकी गाउँपालिका पुर्तिघाट देखी बरेङ तर्फ जाँदै गरेको लु १ च २७२० नम्वरको जिप धुँवाखोलामा दुर्घटना भएको जिल्ला प्रहरी कार्यालय गुल्मीले जनाएको छ ।
जिप दुर्घटनामा परी कालीगण्डकी गाउँपालीका वडानम्वर ७ भुर्तुङकी ३२ बर्षीय पार्वती गुरुङ घाइते भएको र उनको पाल्पाको लुम्विनी मेडिकल कलेज प्रभासमा उपचारमा भइरहेको प्रहरीले जनाएको छ ।
जिप अनियन्त्रीत भएर पल्टिएको जिल्ला प्रहरी कार्यालय गुल्मीले जनाएको छ । जिपमा चालक सहित ४ जना सवार रहेका थिए । सवार मध्ये अन्य तीन जना सुरक्षित रहेको प्रहरीले जनाएको छ ।
