असोज४,२०७८बैतडी : बैतडीसहित सुदूरपश्चिमका पहाडी जिल्लामा आज भूकम्पको धक्का महसुस गरिएको छ।
आज अपरान्ह साढे ४ बजे गएको भूकम्पले बैतडी, दार्चुला र बझाङलगायतका जिल्लामा धक्का महसुस गरिएको हो। भूकम्प मापन केन्द्र सुर्खेतका प्रमुख तीर्थराज दाहालका अनुसार ४ दशमलब २ रेक्टर स्केलको उक्त भूकम्पको केन्द्रबिन्दु दार्चुलाको खर्रा क्षेत्र आसपास रहेको छ।
भूकम्पको क्षतिबारे कुनै जानकारी नआएको प्रहरीले जनाएको छ। यसअघि गत भदौ २६ गते पनि भारतको उत्तराखण्ड प्रदेशको उत्तराकाशी क्षेत्र केन्द्रबिन्दु भएर ५ दशमलब ३ रेक्टर स्केलको भूकम्प गएको थियो।
