साउन २०,२०७८ गुल्मी : गुल्मीमा ट्याक्टर दुर्घटना हुँदा चालकको मृत्यु भएको छ ।
जिल्लाको सत्यवती गाउँपालिका वडा नम्वर ६ मा जुनियाँबाट खैरेनीतर्फ जाँर्दै गरेको लु ३ त ३९९ नम्वरको ट्याक्टर दुर्घटना हुँदा चालक रुरुक्षेत्र गाउँपालिका वडा नम्वर ५ का अन्दाजी ३५ बर्षीय दीपक माझीको घटनास्थलमै मृत्यु भएको जिल्ला प्रहरी कार्यालय गुल्मीका प्रहरी नायव उपरीक्षक पुरुषोत्तम पाण्डेले जानकारी दिए ।
यसैबिच सत्यवतीमै लु २ च १४६८ नम्बरको जिप दुर्घटना हुँदा ५ जना घाइते भएका छन् ।
सत्यवती गाउँपालिका खैरेनीबाट लिम्घातर्फ जाँदै गरेको जिप ढाडबैरामा दुर्घटना हुँदा सत्यवती ४ का चालक ३४ बर्षीय सेरबहादुर श्रीस, ६८ बर्षीय नैनकला पौडेल,६५ बर्षीय भद्रीकला ज्ञवाली, वडानम्वर ५ की ५० बर्षीय दिलकुमारी पुन र वडा नम्वर ७का ७४ बर्षीय चन्द्रबहादुर बिक घाइते भएको जिल्ला प्रहरी कार्यालय गुल्मीका प्रहरी नायव उपरीक्षक पुरुषोत्तम पाण्डेले जानकारी दिए ।
घाइतेहरुको जोहाङ प्राथमिक स्वास्थ्य केन्द्रमा उपचार भइरहेको प्रहरीले जनाएको छ । घटनाको बारेमा थप अनुसन्धान भइरहेको प्रहरीले जनाएको छ ।
जिप सडकदेखी १५ मिटर तल खसेको प्रहरीले जनाएको छ ।
