असार१२,२०७८ गुल्मीःगुल्मीमा माछा मार्ने क्रममा खोलामा डुबेर एक जनाको मृत्यु भएको छ ।
जिल्लाको धुर्कोट गाउँपालिका वडा नम्वर एक४ जैसीथोकका २१ बर्षीय मदन घर्तीको सिमाघाट चिलदमाई खोलामा माछा मार्ने क्रममा खोलामा डुबेर मृत्यु भएको हो ।
घर्तीको शबलाई अहिले पोष्टमार्टमका लागि गुल्मी अस्पतालमा राखिएको जिल्ला प्रहरी कार्यालय गुल्मीका प्रहरी नायव उपरीक्षक पुरुषोक्तम पाण्डेले जानकारी दिए । भोली बिहानै पोष्टमार्टम गरी शब आफन्तलाई बुझाउने प्रहरीले जनाएको छ ।
