बर्दियामा दुर्घटना हुँदा दुई जनाको मृत्यु

मंसिर १८,२०७७ बर्दिया : बर्दियामा कार र टिप्पर ठोकिँदा दुई जनाको मृत्यु भएको छ ।
मृत्यु हुनेमा बर्दिया गुलरिया नगरपालिका ४ का २३ वर्षीय सुरेश गोडिया र कञ्चनपुर भिमदत्त नगरपालिका ६ का १८ वर्षीया निधी सुनार रहेका छन् ।
भुरिगाउँबाट गुलरियातर्फ आउँदै गरेको ना ८ ख ३१४ नम्बरको टिप्पर र विपरित दिशा तर्फ जाँदै गरेको बा १६ च २४५३ नम्बरको कार मधुवन नगरपालिकाको वेलवा चोक नजिक एक आपसमा जुद्दा घटना भएको प्रहरीले जनाएको छ ।
घाइते मनोज गोडिया, राधिका सुनार र कमला सुनारको उपचार भइरहेको छ । उनीहरुलाई उपचारका लागि नेपालगञ्ज लगिएको छ । घटनाको बारेमा थप अनुसन्धान भइरहेको प्रहरीले जनाएको छ ।