अजय खड्का
पौष १६,गुल्मी :रिटर्नि फेडेरेसन नेपालले आफ्नो प्रथम स्थापना दिवस फरक क्षमताका बिध्यार्थीहरुला शैक्षिक समाग्री बितरण गरि सम्पन्न गरेको छ ।

शनिवार रेसुङ्गा नगरपालिका वडा नम्बर ९ स्थित उपल्लो तम्घास माध्यमिक बिध्यालयमा रहेका २४ जना फरक क्षमताका बिध्यार्थीहरुलाइ शैक्षिक समाग्री र ३ जना आयाहरुलाइ न्यानो टोपि बितरण गरि प्रथम स्थापना दिवस सम्पन्न गरेको हो।

कार्यक्रममा प्रधानध्यापक पिन्कि घिमिरे भुसालले यसरि बिभिन्न संस्थाहरु सङ जोडिन पाउदा धेरै खुसि लागेको बताउदै शैक्षिक समाग्री बितरणको लागि धन्यवाद ब्यक्त गर्नुभयो ।

कार्यक्रमा बोल्दै नेकपा एमालेका उपाध्यक्ष कृष्ण सुनारले भर्खर स्थापना भएको यो संस्थाले धेरै रचनात्मक कामहरु गरेकोमा धन्यवाद व्यक्त गर्नुभयो ।उहाले यस्ता हरेक कामहरुमा नेकपा एमाले सधै साथमा रहेको बताउनुभयो । सुनारले उक्त बिध्यालयमा रहेका फरक क्षमताका बिध्यार्थीहरुलाइ पाटिको तर्फबाट बिभिन्न तवरले सहयोग रहने प्रतिवद्दता ब्यक्त गर्नुभयो ।

यस्तै रिटर्नि फेडेरेसन नेपालका उपाध्यक्ष महेन्द्र रायमाझीले यस्ता कार्यक्रमहरु आउने दिनहरुमा पनि निरन्तरजारि रहने बताउनुभयो । रिटर्नि फेडेरेसन नेपालका जिल्ला सचीव देवराज पाण्डेको सन्चालन र उपाध्यक्ष महेन्द्र रायमाझीको अध्यक्षतामा भएको कार्यक्रममा नेकपा उपाध्यक्ष कृष्ण सुनार प्रधानध्यापक पिन्कि घिमिरे भुसाल पुर्व वडाध्यक्ष नारायण बराल मुक्ति समाज गुल्मिका अध्यक्ष दिपक सुनार वडा सदस्य दिपक थापा लगाएत उक्तसस्थाका अन्य पदाधिकारिहरुको उपस्थिति रहेको थियो ।

टोपलाल अर्याल
गुल्मी, १५ पुस

गुल्मी प्रशासन कार्यालय गुल्मीले कोभिड १९ को नयाँ भेरियण्टबाट बच्न सवैलाई अनुरोध गरेको छ ।

छिमेकी देशहरुमा कोभिडको नयाँ भेरियण्टका कारण ठुलो मानवीय क्षति सुरु भएकोले संभावित जोखिमबाट बच्न प्रसासले आग्रह गरेको हो । यो बिषयमा स्वास्थ्य मन्त्रालयले केहि दिन अगाडीनै सचेत बनाएको छ । जिल्ला प्रशासन कार्यालय गुल्मीले बिहिबार बिपद् व्यावस्थापनको क्षेत्रमा क्रियाशिल संस्था र व्यक्तिहरुसंग छलफल गर्दै स्वास्थ्य सुरक्षाका मापदण्ड पालन गर्दै सामाजिक दुरी कायम गर्न, माक्स, सेनिटाइजरको प्रयोग गर्न, भिड कम गर्न आवश्यक लक्षण देखिए स्वास्थ्य संस्थामा परिक्षण गर्न सवैको सक्रियता र सन्देश फैलाउने निर्णय गरेको छ ।

जिल्लाका १२ वटै पालिकाले कोभिड १९ को नयाँ भेरियण्टका बिषयमा अहिलेबाटै सचेततनामा जोड दिनुपर्नेमा सरोकारवालाले जोड दिएका छन् । त्यस्तै कुकुर वा बन्यजन्तुले टोकेमा तुरुन्त गुल्मी अस्पताल पुगेर रेबिज बिरुद्धको खोप लगाउने बिषयमा सामुदायिक सचेतना जगाउने निर्णय पनि बैठकले गरेको छ ।

कुकुर वा बन्यजन्तुले टोके घाउको उपचार मात्रै नभएर रेबिज खोप नलगाए व्यक्तिको ज्यान जाने र सोहि अवस्था गुल्मी दरवारमा भर्खरै देखिएकाले खोपमा प्राथमिकता दिन बैठकले सवैलाई आग्रह गरेको छ । कुकुरले टोकेपछि रेबिज खोपको उपलब्धता हुँदा हुँदै पनि मेडिकलको गैरजिम्मेवारी र सचेतनाको अभावमा गुल्मी दरवारमा एक  जना महिलाले ज्यान गुमाएको बिषय निकै दु:खद र सरकारको लागि लज्जाको बिषय भएको भन्दै नागरिक समाजका संयोजक पदमप्रसाद पान्डेय र पत्रकार महासघ गुल्मीका अध्यक्ष टोपलाल अर्यालले सरोकारवालाको ध्यानाकर्षण गराएका थिए ।

नागरिक कार्यक्रममा कोभिड १९ को नयाँ भेरियण्ट र रेबिजको बारेमा गुल्मी अस्पताल प्रमुख डाक्टर उत्तम पच्या र स्वास्थ्य कार्यालयका जनस्वास्थ्य निरिक्षक बोम अर्यालले जानकारी गराएका थिए । कार्यक्रममा बिपद् व्यावस्थापनका विभिन्न बिषयमा पनि निर्णय भएको छ ।

शितकालिन बिपद् पुर्वतयारी प्रतिकार्य योजना अनुमोदन गर्नुका साथै मनसुनजन्य बिपद्बबाट प्रभावित नीजि आवास पुर्निमाण तथा पुर्नस्तापना ०७७ अनुसार पहिलो किस्ता लिएकाहरुलाई दोस्रो र अन्तिम किस्ता दिने निर्णय भएको छ ।

जसका लागि केहि नयाँ मापदण्ड बनेको प्रमुख जिल्ला अधिकारी पुन्य बिक्रम पौडेलले बताए । उनले मापदण्ड र प्राबिधिकका कारण केही समय भुक्तानीमा समस्या भएपनी अब नरोकिने बताए ।

अनिल खत्री
१३ पुस, गुल्मी : गुल्मीमा एक महिलाको रेबिजका कारण मृत्यु भएको छ । जिल्लाको गुल्मीदरबार गाउँपालिका वडानम्बर–६ की ४० वर्षीय रजुन शाहको रेबिजका कारण मृत्यु भएको गुल्मीदरवार गाउँपालिकाका स्वास्थ्य शाखाका प्रमुख नारायण अर्यालले बताउनु भयो ।

शाहलाई एक महिना अगाडी गुल्मीदरबार गाउँपालिकाको वडानम्बर ६ का कुमालटारीमा मंसिर ११ गते एक्कासी पछाडीबाट आएर कुकुरले हातमा टोकेको थियो । त्यसलगत्तै उनी रेबिज विरुद्धको भ्याक्सिन लगाउन अर्घाखाँचीको फेदि स्थित एक निजि मेडिकलमा गएकी थिइन् ।

तर त्यहाँ उनले कुकुरले टोकेकोमा लगाउनु पर्ने एन्टी रेबिज भ्याक्सीन नलगाएको पाइएको अर्यालले बताउनु भयो । उनको स्वास्थ्यमा दिनप्रति दिन समस्या बढदै गएपछि पुस ६ गते तम्घासको एक स्वास्थ्य संस्थामा उपचार गराउनु भएको थियो ।

त्यहाँ उनलाई रेबिज लागेको संकाका कारण काठमाण्डौंको शुक्रराज ट्रपिकल सरुवा रोग केन्द्र टेकुमा रिफर गरिएको बुझिएको छ । काठमाडौंमा उपचारको क्रममा उनलाई डाक्टरले रेबिज पूर्ण रुपमा शरीर भरी फैलिएको पुष्टि गरेका थिए ।

उनको शरीर भरी फैलिएकाले उपचारको सम्भव नएपछि घरमा ल्याइएको थियो । उहाँको मंगवार मृत्यु भएको गुल्मीदरवार गाउँपालिकाका स्वास्थ्य शाखाका प्रमुख अर्यालले बताउनुभयो ।

महिलाको रेबिजका कारण मृत्यु भएपछि अहिले त्यस स्थानका भुसिया कुकुरलाई रेबिज विरुद्धको भ्याक्सिन लगाउने कार्य भइरहेको गुल्मीदरबार गाउँपालिकाले जनाएको छ । दुईदिनसम्म ५० वटा भन्दा बढि कुकुरलाई रेबिज विरुद्धको भ्याक्सिन लगाउने कार्य गरिएको अर्यालले बताउनुभयो ।

रेबिज विरुद्धको भ्याक्सिन लगाउने कार्य जारी रहेको गाउँपालिकाले जनाएको छ ।