साउन ४,२०७७ गुल्मी : प्रतिनिधि सभातर्फ रिक्त रहेको सांसद पदको गुल्मीकी सुवर्ण ज्वारचनले आइतबार पद तथा गोपनीयताको शपथ लिएकी छन् ।
प्रतिनिधिसभाका सभामुख अग्नीप्रसाद सापकोटाले सिंहदरबारमा आयोजित कार्यक्रममा उनलाई शपथ खुवाएको सभामुखका प्रेसविज्ञ श्रीधर न्योपानेले जानकारी दिए ।
नेपाली काँग्रेसका समानुपातिक सांसद ज्ञानकुमारी छन्त्यालको असार १७ गते निधन भएपछि सो पद रिक्त थियो । सांसदको निधन भएमा पार्टीले निर्वाचन आयोगमा बुझाएको सोही समावेशी समुह अन्तर्गत बन्दसूचीको पहिलो नम्बरमा रहेको व्यक्ति सांसद पाउने व्यवस्थाअनुसार ज्वारचन सांसद बनेकी हुन् ।
काँग्रेसले बुझाएको बन्दसूचीको पहिलो नम्बरमा ज्वारचनको नाम उल्लेख थियो ।
