असार ८, २०७७ काठमाडौं : पछिल्लो २४ घण्टामा देशका विभिन्न प्रयोगशालामा गरिएको पिसिआर परीक्षणमा ५३५ जना संक्रमित थपिएका छन्।
यससँगै कुल संक्रमितको संख्या ९ हजार पाँच सय ६१ पुगेको छ। स्वास्थ्य तथा जनसंख्या मन्त्रालयले कोरोना अपडेटबारे नियमित प्रेस ब्रिफिङमा यस्तो जानकारी दिएको हो। आजसम्म कोरोनालाई जितेर घर फर्कनेहरूको संख्या नेपालभर गरी २ हजार १४२ छ। स्वास्थ्य मन्त्रालयले दिएको जानकारीअनुसार ७६ जिल्लामा कोरोना फैलिइसकेको छ।
७७ जिल्लामध्ये रसुवामा भने अहिलेसम्म कोरोनाका बिरामी भेटिएका छैनन्।
