जेठ ३२,२०७७ : पबर्तमा पहिरोले पुरिएको ५ जनाको मृत्यु भएको छ भने ४ जना बेपत्ता भएका छन् ।
जिललाको कुस्मा नगरपालिका ३ दुर्लुडमा शनिबार राती पहिरोले पुरिएर ५२ बर्षका तुलबहादुर थापा ,उनकी श्रीमती ५२ बर्षकी मीनकुमारी र उनकी नातिनी ८ बर्षकी बिबिशा , ३२ बर्षीय कमला बिक , ३० बर्षीय दीपा थापाको मृत्यु भएको जिल्ला प्रहरी कार्यलय पर्बतले जनाएको छ
यस्तै पहिरोमा परी कमलाका १६ बर्षिय छोरा जेनिश , ७ बर्षकी छोरी प्रमिशा , तुलबहादुरको परिवारका १४ बर्षका स्रमाट थापा र १७ बर्षीय बिबेक थापा बेपत्ता रहेको र उनीहरुको खोजी कार्य जारी रहेको जिल्ला प्रहरी कार्यलय पर्बतका प्रहरी निरीक्षक बुद्धिप्रसाद सुबेदीले जानकारी दिए ।
