भदौ १८, २०७६ काठमाडौं स् प्रधानमन्त्री केपी शर्मा ओलीलाई भेट्न नेकपाका सचिवालय सदस्य वामदेव गौतम आज सिंगापुर जाने भएका छन्। सिंगापुरमा उपचार गराइरहेका प्रधानमन्त्रीलाई भेट्न जान गौतम लागेको नेकपा केन्द्रीय सदस्य विष्णु रिजालले जानकारी दिए। गौतम आज दिउँसो १ बजे सिंगापुर जाने रिजालले जानकारी दिए। यसअघि नेकपा महासचिव विष्णु पौडेल मंगलबार सिंगापुर गइसकेका छन्। नेता गौतम पनि हिजै जाने तयारी थियो। अन्तिम समयमा उनले सिंगापुर जाने कार्यक्रम रद्द गरेका थिए। तर प्रधानमन्त्री ओलीले नै बोलाएपछि उनी सिंगापुर जान लागेको बताइएको छ।
