जेठ २०,२०७७ : डोल्पामा ठुलिभेरी नदीमा बगेर तीन बालबालिकाको ज्यान गएको छ ।
ठुलिभेरी नगरपालिका वडा ९ मोतिपुर स्थित भेरी नदिमा पशुबस्तु चराउन गएको बेला गाइलाई फर्काउने क्रममा तीनै जना बालबालिकालाई भेरीले बगाएको प्रहरीले जनाएको छ ।
मोतिपुरकै १२ बर्षिया यसोधा भन्डारी र १० बर्षिया बिजय कठायतलाई घटनास्थल देखि अन्दाजी दुई किलोमीटर टाढा बगाउँदै गरेको अवस्थामा भेरी नदीबाट उद्धार गरि उपचारका लागि जिल्ला अस्पताल दुनै पुर्याइएको हो ।
उनिहरु दुबैजनालाइ विमानस्थल सुरक्षा गार्ड जुफालबाट भित्तिमा खटिएको ड्युटी टोलीले भेरीमा मान्छे बगेको देखेपछि उद्धार गरेका हुन् ।
उनिहरुलाई अचेत अवस्थामा अस्पताल पुर्याएको केही समयपछि अस्पतालले मृत घोषणा गरेको जिल्ला प्रहरी कार्यलय डोल्पाका प्रहरी नायव उपरीक्षक नारायण रञ्जितकारले जानकारी दिए ।
अर्कि अन्दाजि ११ बर्षिय गंगा कठायतलाई घटनास्थल देखि अन्दाजी पाँच किमि टाढा बगाउँदै गरेको अवस्थामा उद्धार गरिएको हो ।
