चर्चित भारतीय रियालिटी शो ‘सारेगमप लिटिल च्याम्स’मा नेपाली बालक प्रितम आचार्यको जादू कायमै छ । आइतबार राति प्रसारण भएको शोमा इटहरीका बालक प्रितम आचार्यले आफ्नो उत्कृष्ट प्रस्तुति दिएका छन् ।
पछिल्लो समय लगातार ‘चार्ट बस्टर’ प्रस्तुति दिइरहेका प्रितमले आइतबार पनि उत्कृष्ट प्रस्तुति दिए । जुरीबाट उनले शतप्रतिशत नम्बर ल्याएका छन् । प्रितमले ‘दिवाना’ फिल्मको गायक कुमार सानुले गाएको गीत ‘सोचेंगे तुम्हे प्यार…’ गाएका थिए । उनले गाइसकेपछि जुरीहरुले उठेरै उनको गायकीको तारिफ गरेका थिए ।
चर्चित संगीतकार हिमेश रेशमियाले प्रितमको गायकीको खुलेर प्रशंसा गरे । उनले लगातार अतिथि जज र अन्य जजबाट प्रशंसा पाउँदै आएका छन् ।
