पुस १३,२०८१ गुल्मीः गुल्मीमा टिपर दुर्घटना हुँदा चालकको मृत्यु भएको छ भने सहचालक घाइते हुनुभएको छ ।
गएराती रिडीबाट निर्माण सामग्री लिएर पुर्तिघाट जाँदै गरेको लु १ क ५४०० नम्वरको टिपर कालीगण्डकी करिडोरको सत्यवती दुई पहादीमा दुर्घटना भएको जिल्ला प्रहरी कार्यालय गुल्मीले जनाएको छ ।
दुर्घटनामा चालक पल्पा जिल्लास्थित रैनादेवी १ का २४ वर्षीय श्रीराम कुमालको मृत्यु भएको र सहचालक सल्यन जिल्ला वनगाउँ ७ का २३ वर्षीय मोहन जैसी घाइते भएको प्रहरी उपरीक्षक राजन भुजेलले जानकारी दिनुभयो ।
घाइते जैसीको अवस्था सामान्य भएको र घटनाको बारेमा थप अनुसन्धान जारी रहेको जिल्ला प्रहरी कार्यालय गुल्मीले जनाएको छ । टिपर सडकदेखी करिव २५ मिटर तल खसेको प्रहरीले जनाएको छ ।
