पुस ११,२०८१ गुल्मीः प्यालेस्टाइन माथि इजरायलद्धारा चलाइएको नरसंहार विरुद्ध गुल्मीमा हस्ताक्षर संकलन अभियान चलाइएको छ ।
नेकपा माओवादी केन्द्र, नेकपा एकीकृत समाजवादी, राष्ट्रिय जनमोर्चा र नेपाल कम्युनिष्ट पार्टी गुल्मीले प्यालेस्टाइनी निर्दोश जनता माथिको हमला बन्द गर्नका लागि हस्ताक्षर अभियान संकलन गरेको हो ।
लुम्बिनी प्रदेशका १२ वटै जिल्लामा चलेको हस्ताक्षर संकलन गर्ने अभियान मार्फत प्रदेशभरको हस्ताक्षर संकलन गरी प्रधानमन्त्री समक्ष पठाउने योजना रहेको माओवादी केन्द्र गुल्मीका सचिव अशोक थापाले जानकारी दिनुभयो ।
हस्ताक्षर अभियान मार्फत विश्व जगतको ध्यान केन्द्रित गर्ने र नरसंहार रोक्नका लागि दवाव दिने उद्येश्य रहेको थापाले बताउनुभयो ।
हस्ताक्षर संकलन अभियानमा करिव पाँच सय गुल्मेली नागरिकको सक्रिय सहभागिता रहेको उहाँको दाबी छ ।
