मंसिर १६,२०८१ गुल्मी : अमरकल्याण महिला बहुउद्येश्यीय सहकारी संस्थाको अध्यक्षमा गीता पाण्डे निर्वाचित हुनुभएको छ ।
शनिवार सम्पन्न १९ औँ साधरण सभा तथा छैठौँ अधिवेशनबाट पाण्डे अध्यक्षमा निर्वाचित हुनुभएको हो । जसको उपाध्यक्षमा बिष्णुमाया शिरिष,सचिवमा दीपा ज्ञवाली पन्थी,कोषाध्यक्षमा सुन्धरा गैरेसहित ९ जनाको कार्यसमिति रहेको ब्यबस्थापक अञ्जु पन्थीले जानकारी दिनुभयो । यस्तै लेखा समितिको संयोजकमा रस्मिता भण्डारी पाण्डे , सदस्यहरुमा विमला श्रेष्ठ र कमला थापा चयन भएको पन्थीले बताउनुभयो ।
१९ औँ साधारण सभाको उद्घाटन गर्दै रेसुंगा नगरपालिकाका उपप्रमुख अमृतादेबी कुँवरले महिलाहरु पनि पछिल्लो समयमा उदाहरणीय कार्यमा लागेको भन्दै अझै परिस्कृत भएर लाग्नुपर्नेमा जोड दिनुभयो । पहिले चुलो चौकोमा मात्रै सीमित रहने महिलाहरु अहिले खुलेरै नेतृत्व गर्ने स्थानमा पुग्नु गर्वको विषय भएको बताउनुभयो ।
पछिल्लो समयमा केही सहकारी संस्थाहरुको बदनियतका कारण सबै सहकारीहरुलाई ट्याग लाग्ने गरेको बताउँदै सहकारीलाई सही तरिकाले सञ्चालन गर्न उहाँले आग्रह गर्नुभयो । नगरपालिकाले नगरभित्रका सहकारीहरुलाई नियमन गर्ने अधिकार पनि भएकाले सुक्ष्म तरिकाले नियालेको उहाँको दाबी छ ।
सहकारीले बचत मात्रै संकलन नगरी सामाजिक कार्यमा समेत उदाहरणीय कार्य गर्दै आएको छ । सहकारी मार्फत लैगिंक हिंसामा परेका महिला तथा बालबालिकालाइ अल्पकालिन आस्रय दिदैँ आएको ब्यबस्थापक पन्थीले बताउनुभयो ।
