मंसिर १२,२०८१ गुल्मीः आगामी मंसिर १६ गते हुने मुसिकोट १ को उप निर्वाचनमा माओवादीका दुर्गा बिकले निर्वाचन जित्ने माओवादी केन्द्रले दाबी गरेको छ ।
निर्वाचनको घर दैलो अभियानका क्रममा माओवादीका नेता वुद्धि जिसीले अन्य पार्टीको तुलनामा माओवादीका उम्मेद्वार अब्बल भएको बताउँदै बिकले निर्वाचन जित्ने दाबी गर्नुभयो । परिवर्तनको पक्षधर माओवादी भएको बताउँदै सबैको लोकप्रिय, सरल, बिकासप्रेमी उम्मेद्वार बिकलाई मुसिकोट १ का जनताले मत दिएर निर्वाचित गर्नेमा आफू ढुक्क भएको उहाँको भनाइ छ । अन्य दलले गरेको कार्य जनताले देखीसकेकाले एक पटक दुर्गा बिकलाई निर्वाचित गराउन सकेमा केही परिवर्तन हुन्छ की भन्नेमा त्यहाँका मतदाता रहेको जिसीले बताउनुभयो ।
जितका आधारहरु के के छन् त भन्ने पक्षमा जिसीले बिक एक असल,सरल, बिकासप्रेमी,वौद्धिक र परिवर्तनकारी सोच भएकाले नै जितको आधार भएको उहाँको भनाइ छ ।
नेपाली काँग्रेस र एमालेले पनि आफूहरुको उम्मेद्वारले जित्ने दाबी गर्दै आएका छन् ।
मुसिकोट नगरपालिकामा रिक्त वडाअध्यक्ष पदका लागि नेपाली कांग्रेसबाट आनन्द श्रेष्ठ, नेकपा एमालेबाट दलबहादुर थापा, माओवादी केन्द्रबाट दुर्गाबहादुर बिक, राष्ट्रिय स्वतन्त्र पार्टीबाट विकास थापा र राष्ट्रिय प्रजातन्त्र पाटीबाट इश्वरी खाती क्षेत्री,स्वतन्त्रबाट पोमानन्द खरेल, योगेन्द्र खरेल, कुलबहादुर थापा चुनावी प्रतिस्पर्धामा रहेका छन् । नेपाली कांग्रेसबाट वडाअध्यक्ष पदमा निर्वाचित मोहन घिमिरेको २०८० भदौ २ गते निधन भएपछि उपनिर्वाचन हुन लागेको हो ।
मुसिकोट नगरपालिका वडा नम्वर एकमा चार हजार ५१ जना मतदाता रहेको मुख्य निर्वाचन अधिकृतको कार्यालयले जनाएको छ ।
