कात्तिक २२,२०८१ गुल्मी :नेपाल कम्यनिष्ट पार्टी (एमाले) का उप–महासचिव प्रदीपकुमार ज्ञवालीले जनतामा छाएको चरम निरासालाई कम गर्नका लागि देशका ठुला दुइ दल एक ठाउँमा भएको बताएका छन् ।
पछिल्लो समयमा एक वर्ष पनि नटिक्ने गरी सरकार गठनका कामहरु हुँदा जनतामा चरम निरासा छाएकाले त्यसलाई चिर्न र राजनीतिक स्थायीत्व कायम गर्नका लागि दुई ठुला दल मिलेर सरकार गठन गरेको उनको भनाइ छ ।
नेकपा एमाले रेसुंगा नगर कमिटीको दोस्रो अधिवेशनलाई सम्बोधन गर्दै ज्ञवालीले देशलाई राजीतिक रुपमा निकास दिनका लागि एमाले र काँगेस मिलेको दाबी गरे ।
देशका दुई ठुला दल मिलेर सरकार बनाउँदा जनतामा खुसीयाली छाएको भन्दै अब बिकासले पनि गति लिने बताए । नेकपा एमाले कुर्सी वा भुँइ जहाँ भएपनि जनताको सेवामा सदैव साथमा रहने गरेको उनको भनाइ छ ।
अधिवेशनले आगामी दुई वर्षका लागि नयाँ नेतृत्व चयन गर्नेछ ।
