तिलाचन पाण्डे
भदौ २७,२०८१ गुल्मीः स्थापना दिवसको अवसरमा यहाँको एक संस्थाले जिल्ला प्रशासनमा शुद्ध पिउँने पानीको फिल्टर जडान गरिदिएको छ ।
२४ औँ स्थापना दिवसको अवसरमा मैत्री बहुउद्येश्यीय सहकारी संस्थाले जिल्ला प्रशासन कार्यालय गुल्मीमा करिव ४० हजार बरारबरको शुद्ध पिउँने पानीका लागि फिल्टर जडान गरिदिएको संस्थाका अध्यक्ष शंकरप्रसाद गौतमले जानकारी दिनुभयो । प्रशासन कार्यालयमा सेवाग्राहीको पनि पनि बढी चाप हुने र शुद्ध पिउँने पानीको अभाव देखिएकाले स्थापना दिवसमा फिल्टर जडान गरिदिएको गौतमको भनाइ छ । संस्थाले सामाजिक उत्तरदायित्व कार्यक्रम अन्र्तगत सामाजिक कार्य गरेको र यस्तै कार्यहरुलाई निरन्तरता दिदैँ जाने गौतमको दाबी छ ।
गुल्मी जिल्लाका प्रमुख जिल्ला अधिकारी कृष्णप्रसाद शर्माले संस्थाले गरेको सहयोगले सेवाग्राहीलाई थप राहत पुग्ने बताउनुभयो । एक बोतल पानी किन्नका लागि प्रशासन परिसरभन्दा बाहिर जानुपर्ने अवस्थाको अन्त्य हुनुका साथै समय र पैसा दुबैको बचत हुने उहाँको भनाइ छ । प्रशासन परिसरमै सेवाग्राीलाई फिल्टरबाट शुद्ध पिउँने ब्यबस्था मिलाइ दिएकोमा संस्थालाई धन्यबाद ब्यक्त गर्दै यस्तै रचानात्मक कार्यलाई निरन्तरता दिन आग्रह गर्दै संस्थाको थप सफलताको लागि शुभकामना समेत ब्यक्त गर्नुभयो ।
प्रशासन परिसरमा शुद्ध पिउँने पानीको फिल्टर जडान भएपछि आफूहरुलाई सेवा लिनका लागि पालो जान्छ की भन्ने भय हराउनुका साथै पैसा पनि बचत भएको सेवाग्राही मदन भण्डारीले बताउनुभयो ।
मैत्री बहुउद्येश्यीय सहकारी संस्थामा करिब १४ हजार सेयर सदस्यहरु रहेको र ८० करोड बढीको कारोवार भएको प्रमुख कार्यकारी अधिकृत अर्जुनप्रसाद आचार्यले जानकारी दिनुभयो । संस्थाले जिल्लामै पहिलो पटक ११ वटा बिद्युतीय गाडी सञ्चालनमा ल्याएको आचार्यले बताउनुभयो ।
