टोपलाल अर्याल
भदौ१७,२०८१ गुल्मी :दुधको स्मार्ट गाउँ छत्रदेव गाउँपालिका ७ ढिकुरा अर्घाखाँचीका महिलाहरुलाई तीजको अवसरमा कपडा उपहार प्रदान गरिएको छ ।
तम्घासको राधाकृष्ण डेरी उद्योग र स्मार्ट दुध संकलक संस्थाले संयुक्त रुपमा ५३ जना दुध उत्पादक महिलाहरुलाई कपडा प्रदान गरेका हुन् । उनीहरुले गत बर्ष डल्लु हस्तान्तरण गरेका थिए । गाउँपालिका अध्यक्ष चन्द्रमान श्रेष्ठ र उपाध्यक्ष मनिषा शर्मा लगायतका जनप्रतिनिधीहरुको उपस्थितीमा कपडा वितरण गरिएको थियो । उनीहरुले तीजको अवसरमा महिला तथा किसानहरुलाई संस्थाले गरेको सहयोग र उर्जा निकै प्रसंसनीय भएको बताए ।
महिलाहरुको महान चाडको उपलक्ष्यमा पौरखी महिलाहरुलाई कृषिमा उर्जा प्रदान गर्न आफुहरुले बर्षेनी रचनात्मक कामहरु गर्दै आएको राधाकृष्ण डेरी उद्योगका संचालक महेन्द्र रायमाझीले जानकारी दिए । ढिकुरा दुध र तरकारीमा अब्बल गाउँ हो । त्यहाँको अधिकांश कृषि उपज र दुध तम्घास बजार आउने गरेको छ ।
छत्रदेव गाउँपालिका ५ का युवा महेन्द्र रायमाझीले परदेशबाट फर्किएर आएर स्वदेशमै आत्मनिर्भरताको लागि दुग्ध व्यावसाय गरिरहेका छन् । उनले दुवैमा चार बर्ष काम गरे । मासिक पारिश्रमीक डेढ लाख थियो । तर, फर्किएपछि फेरि परदेशको बाटो खोजेनन् । बरु तम्घास बजारमा राधाकृष्ण डेरी उद्योग मार्फत चार जनालाई रोजगारी समेत दिएका छन् । अहिले मासिक करिव दुई लाख कारोबार दुधबाट हुन्छ । उनलाई व्यावसायमा श्रीमती सरिता पाण्डेय रायमाझीको राम्रो साथ छ ।
परिवारसंगै स्वदेशमा महिनामा खर्च कटाएर करिव ७० हजार कमाई हुने भएकाले रायमाझी खुसी छन् ।
