साउन ६ ,२०८१ गुल्मीः गुल्मीमा खोलाले बगाएर ३१ वर्षीय युवा बेपत्ता भएका छन् ।
जिल्लाको मुसिकोट नगरपालिका वडानम्बर– २ निवासी ३१ वर्षका बोमबहादुर कार्की निस्ती खोला तर्ने क्रममा खोलाले बगाएर बेपत्ता भएको जिल्ला प्रहरी कार्यालय गुल्मीका प्रहरी नायव उपरीक्षक शंकर पोखरेलले जानकारी दिनुभयो।
कार्की शनिबार बेलुकी इस्मा गाउँपालिका १ निस्ती खेतबाट फर्किएर खोला तर्ने क्रममा बेपत्ता भएको प्रहरीले जनाएको छ । मुसिकोट नगरपालिका वडानम्बर –१ अरेवा घर भएका कार्की हाल वडा नम्वर–२ निस्ती मामाघरमा बस्दै आएको स्थानीयले बताएका छन् ।
कार्की ख वर्गका फरक क्षमताका रहेको प्रहरीले जनाएको छ । शनिबार बेपत्ता बेलुकी बेपत्ता भएपनि आइतबार बिहान प्रहरीलाई जानकारी प्राप्त भएको थियो ।
