वैशाख १४,२०८१ गुल्मी : गुल्मीमा मोटरसाईकल दुर्घटनामा एक जनाको मृत्यु भएको छ भने एक जना घाइते भएका छन्
गए राती जिल्लाको गुल्मीदरबार गाउँपालिकाको गौडाकोटदेखी विरबास तर्फ जाँदै गरेको लु ३५ प ५४८४ नम्वरको मोटरसाइकल म्यालपोखरीमा दुर्घटनामा परेको हो ।
दुर्घटनामा गुल्मीदरबार गाउपालिका ३ का २९ वर्षीय अनिलराज घर्तीको मृत्यु भएको र गुल्मीदरबार ४ का अन्दाजी ३१ वर्षीय यमबहादुर सुर्यवंशी घाइते भएको जिल्ला प्रहरी कार्यालय गुल्मीका प्रहरी नायव उपरीक्षक शंकर पोखरेलले जानकारी दिए ।
घाइते सुर्यबंशीको पाल्पाको मिसन अस्पतालमा उपचार भइरहेको र अवस्था मध्यम रहेको प्रहरीले जनाएको छ । मोटरसाइकल अनियन्त्रीत भई सडकदेखी ३० मिटर तल खसेको प्रहरीले जनाएको छ । मोटरसाइकल कस्ले चलाएको भन्ने नखुलेको र घटनाको बारेमा थप अनुसन्धान जारी रहेको जिल्ला प्रहरी कार्यालय गुल्मीले जनाएको छ ।
