धुर्कोटमा लोक संस्कृति संरक्षण र जगेर्ना गर्न भजन प्रतियोगिता

0
64

तिलाचन पाण्डे
बैशाख ४,२०८१ गुल्मीः गुल्मीमा लोक संस्कति संरक्षण र जगेर्ना गर्नका लागि भजन प्रतियोगिता संचालन गरिएको छ ।
जिल्लाको धुर्कोट गाउँपालिका वडा नम्वर ५ मा रहेको कालिका मन्दिर संरक्षण तथा विकास समितिले वडा स्तरीय भजन प्रतियोगिता संचालन गरेको हो ।

पछिल्लो समयमा लोक भजन हराउँदै गएको र नयाँ पुस्ताले चासो दिन छाडेकाले त्यसको संरक्षण गर्नका लागि आफूहरुले वडा स्तरीय लोक भजन प्रतियोगिता संचालन गरेको समितिका अध्यक्ष युवराज भण्डारीले जानकारी दिनुभयो । उहाँका अनुसार पुरानो शैली पछिल्लो समयमा लोप हुँदै गएकाले पनि यसको प्रचारप्रसार र संरक्षणका लागि थप टेवा पुग्ने उहाँको विश्वास छ ।

कार्यक्रमका प्रमुख अतिथि एंव धुर्कोट गाउँपालिकाका अध्यक्ष भुपाल पोखरेलले संस्कृति संरक्षणका निम्ती पालिका सधै साथमा रहेको बताउँदै यस्ता कार्यक्रमहरुलाई निरन्तरता दिदै जानुपर्नेमा जोड दिनुभयो ।

वडा नम्वर ३ र ७ बाहेक पाँच वडाका भजन टोलीहरु प्रतियोगितामा सहभागी भएका थिए । भजन प्रतियोगितामा प्रथम हुनेले १३ हजार ,दोस्रो हुनेले १२ हजार तेस्रो स्थान प्राप्त गर्नेले ११ हजार नगद पुरस्कार प्राप्त गर्नेछन् ।

 

SHARE