तिलाचन पाण्डे
चैत २२,२०८० गुल्मीः गुल्मीमा पहिलो पटक विद्युतिय गाडी सञ्चालनमा आएको छ । मैत्री यातयात प्रालि तम्घास गुल्मी मार्फत जिल्लामा पहिलो पटक १० वटा विद्युतिय गाडी सञ्चालनमा आएका हुन् ।
बढदो पेट्रोलियम पदार्थको मूल्य बृद्धिसँगै भाडादर बढने समस्याको अत्य विद्युतिय गाडीले गर्ने अपेक्षा नागरिकहरुको रहेको छ ।
विद्युतीय गाडीको बिहीबार एक कार्यक्रमकाबिच जिल्ला समन्वय समिति गुल्मीका प्रमुख दोर्णबहादुर खत्रीले सेवा शुभारम्भ गर्नुभयो ।
खत्रीले वातावरण मैत्री गाडी सञ्चालनमा ल्याएकोमा नागरिकलाई सहि तरिकाले सेवाप्रदान गर्न आग्रह गर्नुभयो । विद्युतिय गाडी भित्रिएसँगै यात्रुलाई पनि भाडादरमा राहत हुने भएकाले स्तरीय सेवा प्रदान गर्नुपर्नेमा खत्रीले जोड दिनुभयो ।
गुल्मी जिल्लाको ग्रामीण बस्ती सिमलटारीबाट पाल्पा, बुटवलसम्मका लागि छुट्ने गरि गाडी सञ्चालनमा आएको मैत्री यातायात्र प्रालिका अध्यक्ष शंकरप्रसाद गौतमले जानकारी दिनुभयो। मैत्री यातायात प्रालिले बिगत एक महिनादेखि विद्युतिय गाडीलाई परिक्षणको रुपमा सञ्चालन गरेर बिहीबारबाट औपचारिक रुपमा सञ्चालनमा आएको जनाएको हो ।
विद्युतीय गाडीमा १४ सिट क्षमता रहेको छ । तम्घासदेखि बुटवल सम्मको भाडा प्रतिव्यक्ति ५६५ रुपैयाँ कायम गरिएको गौतमले बताउनुभयो ।
विद्याुतिय गाडीमा कायम गरिएको भाडादर डिजेल गाडीको तुलनामा २५ प्रतिशतसम्म सहुलियत रहेको मैत्री यातायात प्रालिले जनाएको छ । विद्युतीय गाडीको लागि मैत्री यातायात प्रालिले गुल्मीको तम्घास, रिडीमा चार्ज गर्ने स्टेसन निर्माण गरिएको छ ।
यातयातले सिमलटारी देखि भारतको सुनौली बोर्डरसम्मको रुट प्रमिट पाएको छ । विद्युतिय गाडीमा सीसी टिभी, क्यामेरा, वाइफाइ, जीपीएस समेत जडान गरिएको छ ।
