पुस ६,२०८० गुल्मी ः गुल्मीमा आगो लगाएको मुद्धामा फरार रहेका प्रतिवादी पक्राउ परेका छन् ।
फरार प्रतिवादी कालीगण्डकी गाउँपालिका वडा नम्वर ५ का १९ वर्षीय श्रीप्रसाद थापालाई घरमै रहेको भन्ने गोप्य सूचनाको आधारमा पक्राउ गरिएको हो ।
थापाले तत्कालीन समयमा स्थानीय एक घरमा आगो लगाइदिएका थिए । निजलाई पक्राउ गरी जिल्ला अदालतमा पेश गरिएको र अदालतको फैसला अनुसार कारागार चलान भएको प्रहरी नायव उपरीक्षक डिल्लीनारायण पाण्डेले जानकारी दिए ।
२०७९ असार ८ गते गुल्मी जिल्ला अदालतको फैसला अनुसार एक वर्ष सात महिना ९ दिन कैद सजाँय तोकिएको थियो ।
