मंसिर २९,२०८० गुल्मीः पछिल्लो समय गुल्मीमा चितुवा आतङ्क बढ्दै गएको छ ।
रातको समयमा जंगलबाट चितुवा वस्तीमा पस्दा स्थानीयहरुमा त्रास पैदा भएको छत्रकोट ६ का लक्ष्मण ज्ञवालीले गुनासो गरे । ज्ञवालीको खोरमा रहेका चार वटा बाख्रा चितुवाले खाएको उनले बताए ।
राती करिव एक बजेतिर बाख्रा कराएको आवाज सुनेपनि डरले आफूबाहिर निस्कन नसकेको ज्ञवालीले बताए । रातको समयमा बाहिर निस्कदा आफनो ज्यान समेत जोखिममा रहने भएकाले बाहिर ननिस्केको उनको भनाई छ ।
एउटा बाख्रा खोर नजिकै मरेको अवस्थामा फेला परेको छ भने तीन वटा बाख्रा फेला नपरेको जिल्ला प्रहरी कार्यालय गुल्मीका प्रहरी नायव उपरीक्षक डिल्लीनारायण पाण्डेले जानकारी दिए ।
