दिवाकर पोख्रेल
मंसिर १६,२०८० देउखुरी : दाङको आकासमा पनि प्याराग्लाइडिङ सेवा शुरु गरिएको छ । शुक्रबार दाङको राप्ती गाउँपालिका वडा नं ९ को देविकोट डाँडाबाट प्याराग्लाइडिङको सफल परीक्षणसंगै अब उक्त सेवालाई निरन्तरता दिइनेछ । लुम्बिनी प्रदेशको स्थायी राजधानी राप्ती उपत्यका देउखुरीको आकासमा प्याराग्लाइडिङ चल्ने भएपछि स्थानीय पनि उत्साही भएका छन् ।
प्याराग्लाइडिङको सफल परीक्षण भएपछि अब नियमित संचालनमा ल्याउने पहल शुरु भएको छ । राप्ती गाउँपालिका वडा नं ४ का वडाअध्यक्ष विरवहादुर चौधरीले राप्ती गाउँपालिकमा प्याराग्लाइडिङ सेवा भएपछि आन्तरिक पर्यटनको क्षेत्रमा समेत सहयोग पुग्ने विश्वास व्यक्त गरे । यस्तै गाउँपालिकाले पनि प्याराग्लाइडिङ सेवालाई निरन्तर संचालनमा ल्याउन व्यवसायीहरुलाई आग्रह गरेको जानकारी दिए । उनले भने,‘ हाम्रो देविकोटबाट देउखुरीको आकासमा प्याराग्लाइडिङ चल्छ भन्नेकुरा सफल परीक्षण पछि प्रमाढिात भएको छ, हामी प्राविधिक र व्यवसायीलाई आग्रह गरेका छौ, अब नियमित रुपमै सेवा शुरु हुन्छ ।’
बाबु एडभेन्चर्सका प्रमुख पाइलट सानुबाबु सुनुवारसहित ३ जना पाइलटले पहिलो चरणमा परीक्षण उडान गरेका हुन् । प्याराग्लाइडिङको परीक्षण उढडानमा लुम्बिनी प्रदेशका सभामुख तुलाराम घर्ती, राप्ती गाउँपालिकाका अध्यक्ष प्रकाश बिष्टले पनि उडान भरे । प्याराग्लाइडिङमा उडान भरेपछि लुम्बिनी प्रदेशका सभामुख तलाराम घर्तीले प्याराग्लाइडिङ उडान गर्नका लागि पोखरा लगायतका स्थानमा जानु नपर्ने गरी व्यवासयीक रुपमा प्याराग्लाइडिङ सेवा शुरु हुने विश्वास व्यक्त गरे ।
उनले भने,‘मैलेपनि उडान गरेँ वडो रमणिय र आनन्दको महशुस भयो, यसैगरी आन्तरिक पर्यटक ल्याउने प्रयास सफल हुने हो,यसमा सबैको सहयोग समर्थन आवश्यक हुन्छ ।’ परीक्षण उडान अबलोन गर्नका लागि राप्ती गाउँपालिकाका स्थानीयहरु देवेकोटको डाँडा सम्मै पुगेका थिए ।
